నేనూ అల్లర్ల బాధితుడినే :మోదీ
నాటి వేదన వర్ణనాతీతం..ఏ పదంతోనే చెప్పలేం
కోర్డు తీర్పుతో అసత్య మేఘాలు వీడాయి
గుజరాతీలను ద్వేషభావంతో చూడొద్దు
2002 అల్లర్లపై మౌనం వీడిని మోదీ
కోర్డు తీర్పుతో అసత్య మేఘాలు వీడాయి
గుజరాతీలను ద్వేషభావంతో చూడొద్దు
2002 అల్లర్లపై మౌనం వీడిని మోదీ
'నన్ను కమ్ముకున్న అసత్య మేఘాలు ఎట్టకేలకు తొలగిపోయాయి. ఆవేదనాభరిత ప్రయాణం నుంచి విముక్తుడినయ్యాను. తాజా తీర్పును వ్యక్తిగత విజయంగా పరిగణించడం లేదు. మిత్రులు, విరోధులకు చేసే విజ్ఞప్తి ఒక్కటే.. దయచేసి మీరూ ఆ తీర్పును ఆ ధోరణిలో చూడవద్దు. ఎన్నడూ నాలో విద్వేష భావాలను రానివ్వద్దని దేవుడిని సదా కోరుకుంటాను.' - బ్లాగులో మోదీ
"ఆ దుర్ఘటనలో నేనూ బాధితుడినే.. నాకు ఎంతో ప్రీతిపాత్రమైనవారినీ కోల్పోయాను. నాటి ఒక్కో ఘటన నా గుండెలను బద్దలు చేసింది. ఆ తర్వాత కూడా నాపై రాళ్లు పడుతూనే ఉండటం నన్ను మరింత బాధ పెట్టింది. అన్నిటినీ బాధతోనే భరించాను. నాటి గాయాలను విస్మరించే ప్రయత్నం చేస్తున్న గుజరాతీయులను సైతం కొందరు మనసులేని వాళ్లు వదల్లేదు. నిత్యం తమ మాటలతో ఆ గాయాలను రేపుతూనే ఉన్నారు. గోధ్రా రైలు దుర్ఘటన నాటి నుంచే శాంతి కోసం పదే పదే విజ్ఞప్తి చే శాను. అమాయకుల ప్రాణాలు కాపాడే ప్రయత్నం చేశాను. అల్లర్లు జరిగిన వెంటనే దేశంలో ఏ ప్రభుత్వమూ స్పందించని రీతిలో గుజరాత్ ప్రభుత్వం చురుగ్గా స్పందించింది. అల్లర్లను అణ చివేయడంతో పాటు బాధితులకు తగిన సాయం అందించింది''- గుజరాత్ అల్లర్లపై మోదీ
న్యూఢిల్లీ, డిసెంబర్ 27: అది దేశాన్ని కుదిపేసిన దుస్సంఘటన. ఓ వ్యక్తిని దశాబ్దకాలంగా వెన్నాడుతున్న కల్లోలం. ఎప్పుడూ మీడియాలో నలిగే ఈ వివాదంపై ఎట్టకేలకు నిశ్శబ్దం బద్ధలైంది. ఆయన సుదీర్ఘ మౌనం మాటగా పెదవి దాటింది. ఆ వ్యక్తే గుజరాత్ ముఖ్యమంత్రి నరేంద్ర మోదీ. సుమారు వెయ్యి మందిని పొట్టనబెట్టుకున్న 2002 గుజరాత్ అల్లర్లపై ఇంతవరకు ఎలాంటి స్పందన వ్యక్తం చేయని మోదీ తొలిసారి మనసు విప్పారు. అహ్మదాబాద్ కోర్టు తాజాగా ఆయనకు క్లీన్‌చిట్ ఇచ్చిన నేపథ్యంలో తన బ్లాగులో మోదీ అంతరంగాన్ని ఆవిష్కరించారు. అల్లర్ల నాటి నుంచి నేటి వరకు ఆయనలో జరుగుతున్న సంఘర్షణకు అక్షర రూపమిచ్చారు. బీజేపీ ప్రధాని అభ్యర్థిగా ఆయన పేరు తెరపైకి వచ్చిన నాటి నుంచి మతతత్వ ముద్ర నుంచి బయటపడేందుకు ప్రయత్నిస్తున్న మోదీ.. మరోసారి ఆ దిశగా తన వాగ్బాణాలను సంధించారు.
సత్యమేవ జయతే అంటూ.. బ్లాగులో తన వివరణను ప్రారంభించిన మోదీ.. తాజా తీర్పు ద్వారా ఈ విషయం మరోసారి నిర్ధారణ అయిందని పేర్కొన్నారు. "విముక్తి లభించింది .. ప్రశాంతంగా ఉంది. ఈ సమయంలో నా మనసులో సుదీర్ఘకాలంగా గూడుకట్టుకుపోయిన ఆవేదనను అశేష భారతావనితో పంచుకోవాలని నా మనసు పరితపిస్తోంది. కొన్నేళ్లుగా నేను సాగిస్తున్న కఠిన ప్రయాణాన్ని తొలిసారిగా మీ ముందు ఆవిష్కృతం చేస్తున్నా.. నాటి దుర్ఘఘటన నన్ను కదలించివేసింది. విచారం, దుఃఖం, దురవస్థ, బాధ, ఆవేదన, ఆక్రోశం - ఇలాంటి పదాలేవీ అనాటి అమానవీయ చర్యలకు సాక్షిగా నిలిచిన వారిలో ఏర్పడిన లోటును పూడ్చలేవు. ఆ పదాలన్నింటినీ నేను వ్యక్తిగతంగా అనుభవించాను'' అంటూ 2002 నాటి అల్లర్లను ప్రస్తావించారు.'ఓ వైపు 2001 భూకంపంతో విధ్వంస చిత్రంగా మారిన గుజరాత్ పునర్నిర్మాణం.. మరోవైపు ఊహించని విధంగా సాగిన 2002 విధ్వంసం.. నాటి సవాళ్లను అధిగమించేందుకు నేను చాలా శ్రమించాల్సి వచ్చింది. మతగ్రంథాల్లోని సూక్తులను మననం చేసుకుంటూ ఆత్మస్థైర్యంతో గుజరాత్ పునర్నిర్మాణానికి అహర్నిశలూ శ్రమించా. ఏ దేశం, రాష్ట్రం, సమాజ భవిష్యత్తయినా సద్భావనపైనే ఆధారపడి ఉంటుంది. ఈ ఒక్క పునాదిపైనే అభివృద్ధి, శ్రేయస్సు నిర్మితమవుతాయి. ఈ దిశగా ముందుకు సాగుతూ ప్రతి ఒక్కరి ముఖంలోనూ చిరునవ్వులు చిందించేందుకు అందరూ చేతులు కలపాలని విజ్ఞప్తి చేస్తున్నా..' అని మోదీ పిలుపునిచ్చారు.
మాది శాంతి మార్గం
"మా మార్గం హింసాత్మకం కాదు శాంతియుతం.. మేం ఎంచుకున్నది విభజనవాదం కాదు.. ఐక్యతా మార్గం. విద్వేషాలపై మాకు నమ్మకం లేదు. మంచితనమే మా ఆయుధం. మేం ఎంపిక చేసుకున్న దారి పూలబాట కాదని తెలుసు. అయితే ఆ మార్గంలోనే పయనించే సంకల్ప బలం మాకుంది. నేడు నేను సంతృప్తుడిగా.. విశ్వసించదగిన వ్యక్తిగా నిలిచాను. అయితే ఇది నా విజయం కాదు ప్రతి ఒక్క గుజరాతీది. వందేమాతరం..'' అంటూ తన వివరణకు మోదీ ముగింపు పలికారు. అయితే ఎక్కడా ఆయన క్షమాపణ కోరకపోవడం గమనార్హం.
"మా మార్గం హింసాత్మకం కాదు శాంతియుతం.. మేం ఎంచుకున్నది విభజనవాదం కాదు.. ఐక్యతా మార్గం. విద్వేషాలపై మాకు నమ్మకం లేదు. మంచితనమే మా ఆయుధం. మేం ఎంపిక చేసుకున్న దారి పూలబాట కాదని తెలుసు. అయితే ఆ మార్గంలోనే పయనించే సంకల్ప బలం మాకుంది. నేడు నేను సంతృప్తుడిగా.. విశ్వసించదగిన వ్యక్తిగా నిలిచాను. అయితే ఇది నా విజయం కాదు ప్రతి ఒక్క గుజరాతీది. వందేమాతరం..'' అంటూ తన వివరణకు మోదీ ముగింపు పలికారు. అయితే ఎక్కడా ఆయన క్షమాపణ కోరకపోవడం గమనార్హం.
అల్లర్ల కేసులో మోడీకి ఊరట
Sakshi | Updated: December 27, 2013 01:24 (IST)
No comments:
Post a Comment