రావాల్సింది కొండంత.. వచ్చింది కొంతే!

రావాల్సింది కొండంత.. వచ్చింది కొంతే! 
16-05-2016 01:27:36

• అంతా కలిపినా ఇచ్చింది రూ.6 వేల కోట్లే
• కేంద్రం వద్ద చిట్టా విప్పనున్న సీఎం
• ఇతర రాష్ట్రాలతో పోలిక వద్దు..సాయంలో తాత్సారం వద్దు
• 20 నెలలు అవుతున్నా రాష్ట్రానికి ఒక్క భారీ పరిశ్రమ లేదు
• ‘ప్రత్యేకం’గా పరిగణించాల్సిందే
• కరువు సాయమూ అరకొరే!
• తెలంగాణలో 7 జిల్లాలకు 791 కోట్లు
• ఏపీలో 10 జిల్లాలకు 433 కోట్లే
• ప్రధానికి నివేదించనున్న చంద్రబాబు
• హోదాపై మోదీకి రేపు ప్రజంటేషన్‌!
• ఆర్థిక ఇబ్బందులపై సమగ్ర వివరాలు
• ఆర్థిక మంత్రి, అధికారులతో చర్చలు

హైదరాబాద్‌, మే 15 (ఆంధ్రజ్యోతి): విభజన చట్టంలోని అంశాల అమలు, ప్రత్యేక హోదా ఆంధ్రప్రదేశ ప్రభుత్వానికి పెనుసవాలుగా మారింది. ఈ రెండు అంశాలు కేంద్రంతోనూ, ఇతర ఆర్థిక, సాంకేతిక అంశాలతోనూ ముడిపడి ఉండటంతో ఈ వ్యవహారం మొత్తం రాజకీయ రంగు పులుముకుంది. ప్రత్యేక హోదా సాధించడంలో ప్రభుత్వం విఫలమైందంటూ విపక్షాలు రాజకీయ దాడికి దిగాయి. బీజేపీతో మైత్రీ బంధాన్ని తెగదెంపులు చేసుకోవాలంటూ ప్రతిపక్షాలు ఉచిత సలహాలు ఇస్తుండగా మరోవైపు టీడీపీ, బీజేపీ నడుమ కూడా ఈ వ్యవహారం పొగబెడుతోంది. హోదాకు పలు సాంకేతిక అంశాలు అడ్డువస్తున్నాయని చెబుతున్నారు. కానీ మిగతా వ్యవహారాలకు ఏ ఇబ్బందీ లేకపోయినా కేంద్రం తగిన రీతిలో సహాయం చేయకపోవడం వివాదాలకు మూలమైంది. చట్టబద్ధంగా రాష్ట్రాలకు రావాల్సిన వాటా నిధులను చూపిస్తూ ఏపీకి భారీగా సాయం చేస్తున్నామంటూ బీజేపీ నేతలు ప్రకటనలు చేస్తున్నారు. వాస్తవ పరిస్థితి మాత్రం అందుకు భిన్నంగా ఉందని, ఇవ్వాల్సిన నిధులు కూడా ఇవ్వకపోగా తాత్సార ధోరణితో కేంద్రం వ్యవహరిస్తోందని ప్రభుత్వ పెద్దలు భావిస్తున్నారు. ఏపీని ప్రత్యేక రాష్ట్రంగా పరిగణించాల్సిందేనని స్పష్టం చేస్తున్నారు. ఇవే అంశాలను ప్రధానికి విన్నవించేందుకు సీఎం చంద్రబాబు సిద్ధమవుతున్నారు. రాష్ట్రంలో ఎదురవుతున్న విమర్శలు, సవాళ్లకు తగిన సమాధానం చెప్పి సమస్యను ఒక కొలిక్కి తెచ్చే ప్రయత్నంలో భాగంగా సీఎం చంద్రబాబు మంగళవారం ఢిల్లీ యాత్రకు వెళ్తున్నారు. ఇప్పటి వరకు సీఎం ఢిల్లీ పర్యటనలు ఒక ఎత్తయితే మంగళవారం నాటి పర్యటన ఒక ఎత్తుగా మారింది. అసలు విభజన చట్టం ప్రకారం రాష్ట్రానికి రావాల్సింది ఏమిటి? వచ్చింది ఏమిటి? అన్న అంశాలతో ఆర్థిక శాఖ అధికారులు గణాంకాలు రూపొందించారు. దాని ప్రకారం 2014-15లో అపాయింటెడ్‌ తేదీ నుంచి ఇప్పటి వరకు కేంద్ర ప్రభుత్వం రాష్ట్రానికి ప్రత్యేకంగా రూ.6088 కోట్లు విడుదల చేసింది.

ఒక్క పరిశ్రమా రాలేదు..

కొత్త రాష్ట్రానికి అత్యంత ముఖ్యమైన పారిశ్రామికాభివృద్ధికి సంబంధించిన అంశంపై ఇప్పటి వరకు ఒక్క అడుగు కూడా ముందుకు పడలేదు. విభజన చట్టం సెక్షన్‌ 94(1) ప్రకారం ఏపీ, తెలంగాణల్లో పారిశ్రామికాభివృద్ధికి, ఆర్థికాభివృద్ధికి మార్గం సుగమం చేసేందుకు అవసరమైన ఆర్థిక వెసులుబాటు, పన్ను మినహాయింపులను కేంద్ర ప్రభుత్వం కల్పించాలి. ఈమేరకు ఎన్డీయే ప్రభుత్వం ఏపీలో పెట్టుబడులపై అదనంగా 15 శాతం సబ్సిడీ, పెట్టుబడుల తరుగుదలపై మరో 15 శాతం సబ్సిడీ ఇస్తామని హామీ ఇచ్చింది. రాష్ట్రంలోకి పెట్టుబడులు రావడానికి ఈ స్వల్ప సబ్సిడీలు ఏ మాత్రం ఉపయోగపడలేదు. దీంతో గత 20 నెలలుగా రాష్ట్రానికి ఒక్క భారీ పరిశ్రమ కూడా రాలేదు.

రాజధానికి రూ.1850 కోట్లు..

విభజన చట్టం 94(3) ప్రకారం ఏపీ కొత్త రాజధానిలో అత్యవసర సదుపాయాలు ఏర్పాటు చేసుకొనేందుకు కేంద్రం ప్రత్యేక ఆర్థికసాయం అందజేయాలి. రాజధాని ప్రాంతంలో మౌలికసదుపాయాల అభివృద్ధి కోసం మొదట రూ.1500 కోట్లు, ఆ తర్వాత రాజ్‌భవన, హైకోర్టు, ఇతర అత్యవసర మౌలికసదుపాయాల నిర్మాణం కోసం రూ.350 కోట్లు విడుదల చేసింది. 2016-17 బడ్జెట్‌లో అమరావతికి నిధులు కేటాయించలేదు.

 

రెవెన్యూలోటు భర్తీకి రూ.2803 కోట్లు

విభజన చట్టం 46(2) ప్రకారం విభజన వల్ల 2014-15లో ఏపీలో తలెత్తే వనరుల కొరతను కేంద్రమే భర్తీ చేయాలి. 14వ ఆర్థిక సంఘం సిఫారసుల మేరకు 2014-15 కేంద్ర బడ్జెట్‌లో ఈ నిధులు కేటాయించాలి. విడిపోయిన తర్వాత రెవెన్యూ లోటు(వనరుల కొరత) ఏపీలో రూ.16,200 కోట్లు ఉందని రాష్ట్రం కేంద్రానికి నివేదిక ఇచ్చింది. ఇందులో ఇప్పటి వరకు రాష్ట్రానికి రూ.2803 కోట్లు మాత్రమే అందాయి.

 

ఇంకా రూ.13,897 కోట్లు రావాల్సి ఉండగా, 2016-17 కేంద్ర బడ్జెట్‌లో దీని కోసం ఒక్క రూపాయి కూడా కేటాయించలేదు. విభజన చట్టం 46(3) ప్రకారం రాష్ట్రంలోని వెనుకబడిన జిల్లాల అభివృద్ధికి కేంద్రం ప్రత్యేక ప్యాకేజీ అందజేయాలి. దీని కోసం ఏపీ రూ.24,350 కోట్లు కేంద్రాన్ని కోరింది. ఇప్పటి వరకు రూ.700 కోట్లు మాత్రమే వచ్చాయి. 2016-17 కేంద్ర బడ్జెట్‌లో వీటి కోసం నిధులు కేటాయించలేదు. విభజన చట్టం సెక్షన్‌ 90(2) ప్రకారం పోలవరం ప్రాజెక్టును కేంద్రమే నిర్మించాలి. ఇందుకోసం రూ.30వేల కోట్లు ఖర్చవుతుంది. ఇందులో ఇప్పటి వరకు రాష్ట్రానికి రూ.735 కోట్లు విడుదల చేశారు. 2016-17 బడ్జెట్‌లో రూ.100 కోట్లు కేటాయించారు.

నాణ్యత ప్రమాణాలు పాటించకపోవడం వల్లే

నాణ్యత ప్రమాణాలు పాటించకపోవడం వల్లే...

Sakshi | Updated: September 20, 2015 12:13 (IST)

ఏలూరు : నాణ్యత ప్రమాణాలు పాటించకుండా హడావుడిగా పనులు చేపట్టడం వల్లే పోలవరం కుడి కాల్వకు గండి పడిందని బీజేపీ ఎమ్మెల్సీ సోము వీర్రాజు ఆరోపించారు. శనివారం పెద్దవేగి మండలం జానంపేట వద్ద పోలవరం కుడి కాల్వకు గండి పడిన ప్రాంతాన్ని ఆయన పశ్చిమగోదావరి జిల్లా బీజేపీ అధ్యక్షుడు భూపతి రాజు వర్మతో కలసి పరిశీలించారు. అనంతరం సోము వీర్రాజు మాట్లాడుతూ... ప్రభుత్వానికి పనుల నాణ్యతపై దిశానిర్దేశం చేయాల్సింది అధికారులే అని ఆయన స్పష్టం చేశారు.

కానీ పోలవరం కుడి కాలవ పనులపై అధికారులు నిర్లక్ష్యం వహించారని వీర్రాజు విమర్శించారు. నిర్లక్ష్యం వహించిన అధికారులపై చర్యలు తీసుకోవాలని ఆయన ప్రభుత్వాన్ని డిమాండ్ చేశారు. ఒక్క పైపు లైన్ ప్రవాహానికే కాల్వ గండిపడితే... 12 పైపు లైన్లు పూర్తి... ఆ తర్వాత గండిపడి ఉంటే పరిస్థితి ఇంకేలా ఉండేదో అని ఆయన ఆందోళన వ్యక్తం చేశారు.

ఇలాంటి ప్రమాదాల వల్ల ప్రాణ నష్టం, ఆస్తి నష్టం కానీ జరిగితే ఏవరిది బాధ్యత అంటూ అధికారులను ప్రశ్నించారు. ఇప్పటికైన ప్రాజెక్టుల నిర్మాణంలో నాణ్యతతో పాటు...  తప్పిదాలు జరగకుండా చూడాలని ఆధికారులు,  ప్రభుత్వానికి సోము వీర్రాజు సూచించారు.  

ఎమ్మెల్యేలను కాదు.. ప్రజలను ఆకర్షించండి

ఎమ్మెల్యేలను కాదు.. ప్రజలను ఆకర్షించండి

Sakshi | Updated: May 14, 2016 01:38 (IST)

రాష్ట్ర ప్రభుత్వానికి బీజేపీ ఎమ్మెల్సీ సోము వీర్రాజు సూచన

 సాక్షి, విజయవాడ బ్యూరో: ఎమ్మెల్యేలను కాకుండా ప్రజలను ఆకర్షించాలని రాష్ట్ర ప్రభుత్వానికి బీజేపీ నేత, ఎమ్మెల్సీ సోము వీర్రాజు సూచించారు. శుక్రవారం ఆ పార్టీ రాష్ట్ర కార్యాలయంలో జరిగిన కోర్ కమిటీ సమావేశం సందర్భంగా ఆయన మీడియాతో మాట్లాడారు. నేరుగా టీడీపీ పేరు ఎత్తకుండా ఈ వ్యాఖ్యలు చేసిన ఆయన ఫిరాయింపులపై ఉన్న శ్రద్ధ ధరల అదుపుపై పెడితే బాగుంటుందని ప్రభుత్వాన్ని విమర్శించారు. రాష్ట్రంలో రైతులు అనేక సమస్యల్లో ఉన్నారని, కందిపప్పు ధరలు విపరీతంగా పెరిగిపోయాయన్నారు.

ప్రత్యేక హోదాపై స్పందిస్తూ.. తమది అవినీతి, మోసకారి పార్టీ కాదని, ఇచ్చిన మాటపై నిలబడి ఉంటామని చెప్పారు. అసెంబ్లీలో బీజేపీ పక్ష నేత విష్ణుకుమార్‌రాజు మాట్లాడుతూ రాష్ట్రంలో ఉన్న సమస్యలన్నింటినీ అధిష్టానం దృష్టికి తీసుకెళతామన్నారు. ప్రత్యేక హోదా బెటరా లేక ప్యాకేజీ బెటరా అనే దానిపై చర్చ జరుగుతోందని చెప్పారు. రాష్ట్రంలో ఫిరాయింపులపై మొదటి నుంచి తాను విమర్శలు చేస్తున్నానని, ఏ పార్టీ అయినా ఫిరాయింపులను ప్రోత్సహించడం సరైన విధానం కాదని, ఇది తన వ్యక్తిగత అభిప్రాయమని చెప్పారు.

చంద్రబాబుకు 'ఫ్లాష్ బ్యాక్' గుర్తు చేసిన సోము వీర్రాజు..

చంద్రబాబుకు 'ఫ్లాష్ బ్యాక్' గుర్తు చేసిన సోము వీర్రాజు.. 

By: Mittapalli Srinivas Published: Thursday, May 12, 2016, 14:41 [IST] ప్రత్యేక హోదా చిచ్చు మిత్ర పక్షాలను రగిలిస్తోంది. ఈ విషయంలో ప్రజలకు జవాబుదారీగా ఉండడం తప్పదు కాబట్టి, ఏపీలో టీడీపీ, బీజేపీలు ఒకరినొకరు టార్గెట్ చేసుకుంటున్నాయి. ఇప్పటికే బీజేపీ పై విమర్శలు గుప్పిస్తోన్న టీడీపీకి బ్రేక్ వేయకపోతే రాష్ట్రంలో బీజేపి పరిస్థితి దిగజారే అవకాశం ఉండడంతో, టీడీపీపై ఎదురుదాడికి దిగుతున్నారు బీజేపీ నేతలు. అయితే.. రాష్ట్ర బీజేపీలోను చంద్రబాబు అనుకూల వర్గం ఉండడంతో, టీడీపీ విమర్శలను తిప్పికొట్టే ప్రయత్నంలో బీజేపీ వెనుకబడుతున్నట్టే కనిపిస్తోంది. కాగా.. చంద్రబాబు తీరుపై ముందునుండి నిర్ద్వందంగా వ్యవహరించే బీజేపీ ఫైర్ బ్రాండ్ సోము వీర్రాజు టీడీపీని కడిగిపారేశారు. నిన్నటిదాకా ప్రత్యేక హెదాపై మౌనం వహించిన వీర్రాజు తాజాగా చంద్రబాబు వైఖరిపై విరుచుకుపడ్డారు. ప్రత్యేక హోదానే అన్ని సమస్యలకు పరిష్కారం కాదని చంద్రబాబు గతంలో చేసిన వ్యాఖ్యలను గుర్తుచేస్తూ.. 'ప్రత్యేక హోదా ఏమైనా సంజీవినా..! హోదా వచ్చి కూడా వెనుకబడిన రాష్ట్రాలు ఎన్ని లేవు.. హోదాతో సంబంధం లేకుండా రాష్ట్రాన్ని అభివృద్ధి చేసుకోవాలి.' అని చంద్రబాబు తాను చేసిన వ్యాఖ్యలు మరిచిపోయారా..? అని ఫ్లాష్ బ్యాక్ గుర్తుచేసే ప్రయత్నం చేశారు. ఇన్ని మాట్లాడిన చంద్రబాబు ప్రత్యేక హోదాపై మళ్లీ మాట మార్చడం, కేంద్రంపై నిందలు వేయడం ఎంతవరకు సబబు అని ప్రశ్నించారు. రాష్ట్రానికి కేంద్రం అందించిన సహాయం నిజమా కాదా అని నిలదీశారు సోము వీర్రాజు. దీంతో రెండు పార్టీల మధ్య వ్యవహారం రానున్న రోజుల్లో ఎలా ఉండబోతుందనేది ఆసక్తిగా మారింది. తెగదెంపులకు పోతారా.. లేక కలిసే రాజకీయ ప్రయాణం సాగిస్తారా అన్నది వేచి చూడాలి.

Read more at: http://telugu.oneindia.com/news/andhra-pradesh/somu-veerraju-reminds-flash-back-to-chandrababu-177377.html

ప్రత్యేక హోదా కంటే పోలవరం మిన్న!

• వాస్తవం
• రాజకీయాలు
• ముఖ్యాంశాలు
• సినిమా
• క్రీడలు
• ప్రవాస భారతీయం
• అభిప్రాయాలు
• ఫోటో గ్యాలరి

BREAKING NEWS

గ్లామర్ మహరాణులే చీకటి సామ్రాజ్యానికి రాణులు!

ఉగ్రవాదం ఈ దేశాన్ని ఉద్రిక్తతల కేంద్రంగా మార్చింది!

ప్రత్యేక హోదా కంటే పోలవరం మిన్న! 

వాస్తవం ప్రతినిధి: ప్రత్యేక హోదా కంటే పోలవరం ప్రాజెక్టు నిర్మాణం వల్లే రాష్ట్రానికి ఎక్కువ ప్రయోజనం కలుగుతుందని ఏపీ ఎన్జీవో రాష్ట్ర అధ్యక్షుడు అశోక్ బాబు పేర్కొన్నారు. సోమవారం కాకినాడ సమీపంలోని వాణిజ్య పన్నుల శాఖ కార్యాలయానికి వచ్చిన స్థానిక విలేకరులు ప్రత్యేక హోదాపై ప్రశ్నించగా ఆయన మాట్లాడుతూ..

వ్యవసాయ ఆధారిత ప్రాంతమైన ఏపీకి ప్రత్యేక హోదా కంటే బహుళార్ధ ప్రాజెక్టు అయిన పోలవరం వీలైనంత త్వరగా పూర్తి చేస్తే ..రాష్ట్ర జీడీపీ, ఉత్పాదకత, ఉధ్యోగ అవకాశాలు పెరిగి రాష్ట్రం అభివృద్ది చెందుతుందన్నారు. ఒకవేళ ప్రత్యేక హోదా ఇస్తే ఐదు లేదా పదేళ్ళు ఇస్తారని, అదే పోలవరం ప్రాజెక్టు నిర్మాణం రాష్త్రానికి సంజీవినిలాంటిదని అశోక్ బాబు చెప్పారు.

ఏపీకి రావల్సిన ప్రతిపైసా ఇచ్చేశాం: జైట్లీ

ఏపీకి రావల్సిన ప్రతిపైసా ఇచ్చేశాం: జైట్లీ

Others | Updated: May 05, 2016 15:11 (IST)

వీడియోకి క్లిక్ చేయండి

న్యూఢిల్లీ: ఆంధ్రప్రదేశ్ రాష్ట్రానికి రావల్సిన ప్రతి పైసాను కేంద్రం ఇచ్చేసిందని కేంద్ర ఆర్థికమంత్రి అరుణ్ జైట్లీ అన్నారు. ఏపీకి ప్రత్యేక హోదా అంశంపై లోక్‌సభలో గురువారం జరిగిన చర్చలో ఆయన మాట్లాడారు. పునర్విభజన చట్టం ప్రకారం ఏపీకి 6,403 కోట్ల రూపాయలు ఇచ్చామని చెప్పారు. ఆర్థిక బిల్లుపై లోక్ సభలో మాట్లాడిన సందర్భంగా ఏపీకి ప్రత్యేక హోదాపై ఆయన ప్రకటన చేశారు. ఆంధ్రప్రదేశ్‌కు  తొలి ఏడాది రెవెన్యూ లోటు రూ. 2,800 కోట్లు ఇచ్చామన్నారు. రాష్ట్రాన్ని విభజించింది తాము కాదని, అయినా పోలవరం నిధులపై కూడా వెనుకంజ వేయడం లేదని చెప్పారు.

యూపీఏ ఇచ్చిన హామీలను కూడా నెరవేరుస్తున్నాం.. ఏపీకి అండగా నిలిచామని జైట్లీ పేర్కొన్నారు. ఏపీకి రావలసిన ప్రతి పైసా ఇచ్చేశామని, పోలవరంపై కేంద్రం కమిట్‌మెంట్‌తో ఉందని వివరించారు. విభజన చట్టంలో పొందుపరిచిన అంశాలకు మాత్రమే తమ ప్రభుత్వం కట్టుబడి ఉందని అరుణ్ జైట్లీ మరోసారి స్పష్టం చేశారు. ఏపీ ఆందోళన చెందాల్సిన అవసరం లేదని, ఇవ్వవలసిన దానికంటే ఎక్కువే ఇచ్చామన్నారు.

హోదా సంజీవని కాదని బాబే అన్నారు కదా!

హోదా సంజీవని కాదని బాబే అన్నారు కదా!

Sakshi | Updated: May 13, 2016 04:19 (IST)

సాక్షి, విజయవాడ: ప్రత్యేక హోదా సంజీవని కాదంటూ సీఎం చంద్రబాబే అనేక సందర్భాల్లో వ్యాఖ్యానించారని.. ఆయనే రాష్ట్రానికి ప్రత్యేక హోదా అవసరం లేదనే సంకేతాలు కేంద్రానికి ఇచ్చి, ఇప్పుడు కేంద్ర ప్రభుత్వాన్ని ఇబ్బంది పెట్టేందుకు ప్రయత్నిస్తున్నారని బీజేపీ నేత, మాజీ ఎమ్మెల్యే వెల్లంపల్లి శ్రీనివాస్ ఆగ్రహం వ్యక్తం చేశారు. ప్రధాని ఇక్కడికి వచ్చినపుడు కూడా ప్రత్యేక హోదా గురించి బాబు అడగలేదని గుర్తుచేశారు. ఒకవైపు రాష్ట్రంలో ‘లోటు’లో ఉందంటూ మరోవైపు చంద్రబాబు ప్రత్యేక విమానాల్లో షికార్లు చేస్తారా? అని ప్రశ్నించారు. ఆ నిధులకు రాష్ట్రాభివృద్ధికి వెచ్చిస్తే రాష్ట్రం బాగుపడుతుందని చెప్పారు.

ఈ దుబారా ఖర్చులను కేంద్రం నిధులు భరించదన్నారు. గురువారం బీజేపీ నగర కార్యాలయంలో ఆయన విలేకరులతో మాట్లాడారు. చంద్రబాబు నేరుగా మాట్లాడకుండా లీకులిస్తూ టీడీపీ చోటా నాయకులతో బీజేపీని, ప్రధాని మోదీని తిట్టిస్తూ నీచరాజకీయాలు చేస్తున్నారని మండిపడ్డారు. ఒకవైపు ప్రజల గొంతు వినిపించాల్సిన ప్రతిపక్ష వైఎస్సార్‌సీపీ ఎమ్మెల్యేలను అనైతికంగా కొనుగోలు చేస్తూ ఆ పార్టీని దెబ్బతీస్తున్నారని ధ్వజమెత్తారు. ఒకపార్టీ నుంచి గెలిచి మరో పార్టీలోకి అధికార దాహంతో వెళ్లడం నీచమన్నారు. మేనిఫెస్టోలో ఇచ్చిన హామీలు.. వ్యవసాయ రుణమాఫీ, రైతులకు తొమ్మిది గంటల విద్యుత్, డ్వాక్రా రుణమాఫీ, బెల్ట్‌షాపుల రద్దు, మహిళలకు భద్రత, నిరుద్యోగభృతి వీటిలో ఏ ఒక్కటైనా నెరవేర్చారా? అని ప్రశ్నించారు.

రాష్ట్రం అప్పుల్లో ఉందని తెలిసీ ఇష్టమొచ్చినట్లు హామీలు ఇచ్చారని ధ్వజమెత్తారు. హైదరాబాద్‌లో లేక్‌వ్యూగెస్ట్‌హౌస్, సెక్రటేరియట్, ఇక్కడ క్యాంపు కార్యాలయాల మరమత్తులకు రూ.కోట్లు దుబారా చేశారని ఆరోపించారు. చంద్రబాబుకు, మోదీకి నక్కకు నాగలోకానికి ఉన్న తేడా ఉందన్నారు. కేంద్ర ప్రభుత్వం ఇప్పటి వరకు రాష్ట్రానికి రూ.1,41,800 కోట్లు ఇచ్చిందంటూ ఆ వివరాలు పత్రికలకు విడుదల చేశారు.